Rusiyadan Krıma gələn qatarların sayı azaldılır...

...Krımın "hakimiyyət orqanları" Rusiya ilə dəmir yolu əlaqəsinin azaldıldığını elan ediblər.

SİA xarici qaynaqlara istinadən xəbər verir ki, regionun "rəhbəri" Sergey Aksenovun dediyi kimi, əməliyyat qərargahının qərarına əsasən, yarımadaya və geriyə hərəkət edən "Tavriya" qatarlarının sayı gündə 14-dən 7-yə endiriləcək.

Moskvadan Simferopol və Sevastopola, Sankt-Peterburqdan Sevastopol və Yevpatoriyaya və Adlerdən Simferopola gedəcək qatarlar saxlanılır.

...Və sərnişinlər üçün razılaşdırılmış marşrutlar üzrə avtobus transferləri təşkil edilir.

Qalan qatarların isə iki həftə ərzində tədricən ləğv edilməsi planlaşdırılır.

Xatırladaq ki, yayın əvvəlində Ukrayna Silahlı Qüvvələri Krımda sərnişin dəmir yolu xidmətinə iki zərbə endirib.

4 iyun gecəsi yarımadanın şimalında şəhərətrafı qatara hücum edilib və həmin vaxt bir nəfərin öldüyü bildirildi.

Bundan sonra Cankoy stansiyası sərnişinlərin minməsi və düşməsi üçün bağlandı.

8 iyun gecəsi pilotsuz uçuş aparatı Moskva-Simferopol qatarının lokomotivinə dəydi. Maşinist köməkçisi öldü. Bundan sonra Krım hakimiyyəti sərnişin qatarlarının gecə yarımadada hərəkətini qadağan etdi. Hərəkətə yalnız səhər saat 5:00-dan axşam saat 11:00-dək icazə verilir.

Yeri gəlmişkən, bir müddət əvvəl Ukrayna hakimiyyəti Krımın Rusiyadan "təcrid olunduğunu" və "adaya" çevrildiyini elan etmişdi.

...Bu fonda Silahlı Qüvvələr bölgənin logistika, hərbi və enerji infrastrukturuna hücumlarını əhəmiyyətli dərəcədə artırdı. Nəticədə Krımda yanacaq böhranı yarandı və indi orada benzin almaq demək olar ki, mümkün deyil.

Bundan əlavə, yarımadada elektrik enerjisinin təchizatı məhdudlaşdırıldı və bəzi şəhərlər susuz qaldı.

İctimai nəqliyyat azalıb, uşaqlar artıq yay düşərgələrinə qəbul edilmir.

...Və yeri gəlmişkən, öz növbəsində, Krım tatar xalqı Məclisinin rəhbəri Refat Çubarov rusları Krım körpüsü "hələ də dayandığı" müddətdə yarımadanı tərk etməyə çağırıb.

Əli Babayev