Saudi Aramco helikopteri qəzaya uğrayıb - 14 ölü

Səudiyyə Ərəbistanında helikopter qəzasında ən azı 14 nəfər həlak olub. Hadisə Səudiyyə Ərəbistanının dövlət mediası tərəfindən ölkənin enerji nazirliyindəki rəsmi mənbəyə istinadən açıqlanıb. Səudiyyə Mətbuat Agentliyi (SPA) helikopterin Səudiyyə Ərəbistanının dövlət neft şirkəti olan Saudi Aramco-ya məxsus olduğunu və ölkənin şərqindəki Ras Tanura bölgəsində qəzaya uğradığını bildirib.

Helikopterdə olan 14 nəfərin hamısının qəzada həlak olduğu bildirilib. Hakimiyyət orqanları qəzanın səbəbləri ilə bağlı araşdırmanın başlandığını və ölənlərin ailələrinə başsağlığı verildiyini açıqlayıb.

Qeyd edilib ki, qəza ilə bağlı texniki araşdırmalar davam edir.