Vanuatu adaları Abxaziyanın müstəqilliyini tanıyıb

"RT" telekanalına müsahibə verən Abxaziyanın daxili işlər naziri Maksim Qvinciya Sakit okean adalarında yerləşən Vanuatu Respublikasının Abxaziyanın müstəqilliyini tanıdığını bildirmişdir. Nazirin dediyinə görə, artıq Vanuatu hökuməti Abxaziya ilə diplomatik münasibətlər qurmağa başlamışdır. Nazirin fikrincə, Suxumi Vanuatu ilə iqtisadi əlaqələri inkişaf etdirəcəkdir. 1990-cı illərdə öz müstəqilliyini elan etmiş Abxaziya Rusiya tərəfindən rəsmi surətdə 2008-ci ildə Rusiya-Gürcüstan müharibəsindən sonra tanınmışdır. İndiyədək Abxaziyanın müstəqilliyini Nikaraqua, Venesuela və Nauru kiçik ada dövləti tanımışdır.