Almaniya “Yaşıllar” Partiyasının üzvləri rekord həddədək artıb

"Şpigel" qəzetinin məlumatına görə, Almaniya "Yaşıllar" Partiyası öz üzvlərinin sayını rekord həddədək artırmağa nail olmuşdur. Noyabrın 25-nə olan məlumata görə, bu partiya üzvlərinin sayı 51822 nəfərə çatmışdır. "Yaşıllar"ın parlament fraksiyasının katibi Şteffi Lemkenin dediyinə görə, partiyaya üzv olanların çoxluğu ucbatından "qapılarımızı, faktik olaraq, bağlamırıq". 19-21 noyabrda Frayburqda partiyanın 32-ci konfransı keçirilərkən, 500 nəfər partiyaya üzv olmaq üçün ərizə təqdim etmişdir. Tədbirdə "Yaşıllar" üzvlərinin sayına görə, ölkədə "xalq partiyası" hesab edilən Almaniya Sosial-Demokrat Partiyasına yaxınlaşmışdır. Berlin və Baden-Vyurtemberqdə "Yaşıllar"ın sayı sosial-demokratları keçmişdir. "Yaşıllar" partiyasının yaş tərkibində də dəyişiklik yaranmışdır. Hazırda "Yaşıllar"ın orta yaş həddi 38 olmaqla əvvəllər olduğundan on il az olmuşdur.