Uqo Çaves Aşqabada rəsmi səfərə gəlib

RİA "Novosti" informasiya agentliyinin yaydığı məlumata görə, Venesuela prezidenti Uqo Çaves Aşqabada rəsmi səfərə gəlmişdir. Bu, Uqo Çavesin Türkmənistana ilk rəsmi səfəridir. Sentyabrın 7-də U.Çaves Türkmənistan prezidenti Qurbanqulu Berdiməhəmmədovla görüşmüşdür. Danışıqlar zamanı dövlətlərarası əməkdaşlıq məsələləri müzakirə edilmişdir. "Röyter"in məlumatına görə, danışıqların başlıca mövzusu energetika sahəsində əməkdaşlıq olmuşdur. Sentyabrın 13-də Rusiya prezidenti Dmitri Medvedev Türkmənistana səfər etməyi planlaşdırır. Danışıqların başlıca mövzusu Türkmənistan qazının Rusiyaya ötürülməsi olacaqdır.