Cənubi Osetiya hərbi qulluqçusunu Gürcüstanın xeyrinə casusluqda ittiham ediblər

"İnterfaks" informasiya agentliyinin yaydığı məlumata görə, Cənubi Osetiyanın Ali Məhkəməsi avqustun 31-də respublika sərhəd xidmətinin keçmiş əməkdaşını dövlətə xəyanət etməkdə ittiham edərək, 16 il müddətinə azadlıqdan məhrum etmiş və əlavə olaraq, 100 min rubl həcmində cərimələmişdir. Qutsmaztını 2008-ci ilin 19 sentyabrında həbs etmişlər. İstintaqın məlumatına görə, bu şəxs uzun müddət müdafiə xarakterli məlumatları Gürcüstan əks-kəşfiyyatının əməkdaşı Aleksandr Medzmariaşviliyə təqdim etmişdir.
"Kommersant" qəzetinin yazdığına görə, 2008-ci ilin noyabrında Cənubi Osetiyada Gürcüstanın xeyrinə casusluqla məşğul olan böyük şəbəkənin üstü açılmışdır. Təhqiqat zamanı Cənubi Osetiyanın dövlət təhlükəsizlik bürosunun sərhəd xidmətinin operativ növbətçisi, mayor Timur Quçmazov həbs edilmişdir.