Pakistan talibləri öldürülmüş liderlərinə əvəzedici tapıblar

"BBC Nyus" informasiya agentliyinin yaydığı məlumata görə, "Taliban" islam hərəkatının Pakistan şöbəsinin yeni lideri döyüşkən komandir Həkimulla Məhsud olmuşdur. H.Məhsud və Vəli ur-Rəhman adlı digər qurum lideri taliblərin əvvəlki lideri Bəytulla Məhsudun öldürüldüyü haqda jurnalistlərə məlumat vermişlər. Onların dediklərinə görə, B.Məhsud avqustun 5-də ABŞ-ın pilotsuz təyyarələrinin raket zərbələrindən sonra, yaralanmış və avqustun 23-də həlak olmuşdur. Deyilənə görə, avqustun 8-də Vəli ur-Rəhman və Həkimulla Məhsud liderlik üstündə bir-biri ilə atışmış, nəticədə, H.Məhsud həlak olmuşdur. Ancaq avqustun 25-də ur-Rəhman hadisənin bu cür şərhini şayiə kimi xarakterizə etmişdir. Onun dediyinə görə, H.Məhsudun Pakistan taliblərinin lideri seçilməsinə o da razılıq vermişdir.