Yerusəlimdə yəhudi adam öldürüb

"Röyter" informasiya agentliyinin yaydığı məlumata görə, Yerusəlimin mərkəzi küçələrindən birində 48 yaşlı yəhudi iki nəfərə atəş açmışdır. Nəticədə adamlardan biri ölmüş, ikincisi isə yaralanmışdır.
Hadisə iyunun 2-də səhər baş vermişdir. Polisin verdiyi məlumata görə, bir nəfəri güllə ilə qətlə yetirən, ikincisini isə yaralayan yəhudi həbs edilmişdir. Qatilin dediyinə görə, bundan əvvəl də bir adam öldürmüşdür.
Qatilin qurbanının ərəb olduğu ehtimal olunur. Qatilin dediyinə görə, qurbanına qorxusundan atəş açmışdır. Bundan sonra qatil qarşıdakı küçəni keçib, ondan siqaret istəyən yəhudiyə atəş açmışdır. Xoş təsadüf nəticəsində həmin şəxs sağ qalmışdır.