Mühakimə olunan İran jurnalistinin vəkili Nobel mükafatı laureatı olacaq

"Sku Nyus" informasiya agentliyinin yaydığı məlumata görə, İranın məşhur hüquq müdafiəçisi, Nobel mükafatı laureatı Şirin Ebadi ABŞ-a casusluq etməkdə ittiham olunaraq 8 il müddətinə azadlıqdan məhrum edilən jurnalist Roksana Saberinin vəkili qismində hüquqlarını müdafiə edəcəkdir.
Ş.Ebadi R.Saberinin ittihamını qeyri-qanuni, ona çıxarılan hökmün isə İran konstitusiyası ilə ziddiyyət təşkil etdiyini bildirmişdir. Hüquq müdafiəçisi yuxarı instansiyalara ittiham əleyhinə şikayət ünvanlayacağın bildirmişdir.
R.Saberi 2009-cu ilin yanvarında həbs edilmişdir. Onu jurnalistlik fəaliyyətini davam etdirməklə Qərb telekanalarına reportajlar hazırlamaqda ittiham etmişlər. Ancaq R.Saberinin jurnalist vəsiqəsinin müddəti 2006-cı ildə başa çatmışdır. O, İran və ABŞ vətəndaşıdır. İranın hakimiyyət dairələrindən jurnalisti təxirə salınmadan azadlığa buraxmağı tələb etmişlər.
Şirin Ebadi Nobel sülh mükafatını 2003-cü ildə almışdır. O, İranda ilk qadın hakimlərindən biri olmuşdur. Sonralar o, vəkillik fəaliyyətinə başlamışdır. 2008-ci ildə İran hökuməti Ş.Ebadinin müdafiə mərkəzini bağlamışlar.