Hillari Klinton İran üzrə müşavirini seçib

"Assoşieyted Press" informasiya agentliyinin yaydığı məlumata görə, ABŞ-ın dövlət katibi Hillari Kltinon Fars körfəzi ölkələri və eləcə də, İran üzrə müşavirini müəyyənləşdirmişdir.
Bazar ertəsi ABŞ Dövlət Departamentinin mətbuat xidməti belə bir bəyanat yaymışdır ki, H.Klinton Fars körfəzi və Cənubi-Qərbi Asiya ölkələri üzrə xüsusi müşavirini təyin etmişdir. Mətbuat xidmətinin məlumatına görə, haqqında söhbət gedən ərazidə nüvə silahının yayılması və terrorizmlə mübarizə aktual olduğu üçün orada hərbi konfliktlər yarana bilər.
H.Klintonun seçdiyi müşavir Dennis Ross Amerika xarici siyasətinin veteranıdır. O, Bill Klinton və Corc Buşun prezidentlikləri dövründə Yaxın Şərq məsələlərinin nizama salınması ilə məşğul olmuşdur.