Qar çovğunu 24 nəfərin həyatına son qoyub

"Assoşieyted Press" informasiya agentliyinin yaydığı məlumata görə, fevralın 2-də ABŞ-ın Kentukki ştatında tüğyan edən qar çovğunu 24 nəfərin həyatına son qoymuşdur. Təbii fəlakət nəticəsində bütövlkdə ABŞ-da 55 nəfər həlak olmuşdur.

Kentukkinin qubernatoru Stiv Beşirin məlumatına görə, ştatın on nəfərinin ölümünə səbəb yanar qazdan zəhərlənmə olmuşdur. Daha 9 nəfər donub ölmüşdür. Qubernatorun dediyinə görə, o, ABŞ prezidenti Barak Obamadan Kentukkini təhlükəsizlik zonası elan etməsini xahiş etmişdir. Onun fikrincə, ştata ayrılacaq maliyyə büdcəsi qar çovğununun nəticələrinin aradan qaldırılmasına yardım etmiş olardı.

B.Obama bir müddət əvvəl Kentukki, Arkanzas və Missuridə fövqəladə vəziyyət elan etmişdir.