KXDR Cənubi Koreya ilə danışıqlar aparmağa razılıq verib

"Assoşieyted Press" informasiya agentliyinin iyulun 22-də yaydığı məlumata görə, KXDR hökuməti Cənubi Koreya ilə danışıqları bərpa etməyə razılıq vermişdir. Hər iki ölkənin nümayəndələrinin görüşü İndoneziyada keçiriləcəyi nəzərdə tutulan Cənubi-Şərqi Asiya Dövlətlərinin Təhlükəsizlik Assosiasiyasının (ASEAN) konfransında gerçəkləşəcəkdir. KXDR hökuməti ölkənin nüvə silahının ləğv edilməsi üzrə yarımçıq qalmış altıtərəfli görüşlərdə iştirak etmək üçün yeni səlahiyyətli şəxsin təyin ediləcəyini də bildirmişdir. Bu şəxs yüksək rütbəli hərbçi Ri En Xo olacaqdır. Altıtərəfli danışıqlar 2009-cu ildə BMT-nin sanksiya tətbiq etməsinə etiraz olaraq, KXDR-in danışıqlar prosesindən çıxmasından sonra yarımçıq qalmışdır. BMT-nin KXDR üzrə sanksiya tətbiq etməsinin səbəbi isə bu ölkənin kosmosa raket daşıyıcısı çıxarması olmuşdur. Şimalla cənub arasında dialoqun baş tutacağı təqdirdə, bu cəhd son illərdə Seulla Pxenyan arasında sabitliyə doğru atılan addım olacaqdır. Bu danışıqlarda KXDR və Cənubi Koreya ilə birlikdə ABŞ, Rusiya, Yaponiya və Çin də iştirak edəcəkdir.