Azərbaycan Dövlət Musiqili Komediya teatrı mövsümü “Ər və arvad”la açacaq

Azərbaycan Dövlət Musiqili Komediya Teatrının mətbuat xidmətindən aldığımız məlumata görə, teatr 102-ci mövsümü Üzeyir Hacıbəylinin "Ər və arvad" tamaşası ilə açacaq.Tamaşanın quruluşçu rejissoru Yusif Əkbərov, dirijor Nazim Hacıəlibəyov, rəssam Eldar Qurbanov, baletmeysterlər Zakir və Leyla Akayevlər, Xormeyster Vaqif Məstanovdur.

Rollarda xalq artistləri: Afaq Bəşirqızı, Fatma Mahmudova, İlham Əhmədov, əməkdar artist: Əkbər Əlizadə, aktyorlar: Gülcahan Salamova, Əliməmməd Novruzov, Ağaxan Şərifov, Hüseyn Əlili çıxış edəcəklər.

Azərbaycan Dövlət Musiqili Komediya Teatrı 2011-ci il sentyabr ayı üçün repertuarına "Kələkbazlar", "Amerikalı kürəkən", "Qırmızı papaq" (rus dilində) daxil edib. Qeyd edim ki, tamaşalar Azərbaycan Dövlət Xəzər Dəniz Gəmiçliyinin Mədəniyyət evində göstəriləcək.