“Əl-Cəzirə”nin Əfqanıstan bürosunun başçısını “HƏMAS”-la əlaqədə ittiham ediblər

"Ediot Axronot" qəzetinin yazdığına görə, "Əl-Cəzirə" telekanalının Kabul bürosunun başçısı Samir Əlləvi sentyabrın 26-da "HƏMAS"-la əlaqədə İsrail əleyhinə cinayətdə ittiham edilərək həbs edilib.

Hökm S.Əlləvinin istintaqla sövdələşməsinin nəticəsi kimi oxunub. S.Əlləvi İsrailin xüsusi xidmət orqanı əməkdaşlarına etiraf edib ki, 1993-cü ildə "HƏMAS" tərəfindən Pakistana göndərilib və o vaxtdan təşkilatın işində Fələstin və İsrail ərazilərində iş aparıb. 2000-ci ildən etibarən jurnalist "HƏMAS"-ın istənilən əməliyyatında, hətta hərbi əməliyyatlarında da yaxından iştirak edib. S.Əlləvi bu vaxt ərzində "HƏMAS"-ın fəaliyyətini dəstəkləyib, ABŞ və İsrailin Yaxın Şərqdəki siyasətini tənqid edib. S.Əlləvinin həbs müddətinin başa çatdığı elan edilib və ona 1400 dollar məbləğində cərimə kəsilib.

S.Əlləvi avqustun 10-da İordan çayının Qərb sahilindən keçib Əfqanıstandakı qohumlarının yanına getmək istərkən, İsrail hərbçiləri tərəfindən yaxalanıb. O vaxt Nyu-Yorkda yerləşən "Jurnalistlərin Müdafiə Komitəsi" S.Əlləvinin müdafiəsinə qalxmışdı.