Avropa Birliyi Yanukoviçi qəbul etmədi

Avropa Birliyi Ukrayna prezidenti Viktor Yanukoviçin Brüsselə nəzərdə tutulmuş səfərini təxirə salıb. Milli.Az xəbər portalının "France-Presse" agentliyinə istinadən verdiyi məlumata görə, qurumdan verilən açıqlamada səfərin "ikitərəfli münasibətlərdə inkişafa nail olunması üçün daha əlverişli şəraitin olduğu vaxta" təxirə salındığı bildirilir. Xatırladaq ki, səfər oktyabrın 20-nə nəzərdə tutulmuşdu.

Ukraynanın sabiq baş naziri Yuliya Timoşenkonun 7 il müddətinə azadlıqdan məhrum edilməsindən sonra Brüssellə qərarın Kiyevlə münasibətlərinə mənfi təsir göstərə biləcəyini dəfələrlə bəyan edib. Yanukoviç isə bu gün verdiyi açıqlamada bildirib ki, "ABL-nin bütün təzyiqlərinə baxmayaraq, Timoşenko haqqında çıxarılmış qərar ləğv olunmayacaq".