Yəmənin yeni baş naziri müxalifət lideri olacaq

"Röyters" informasiya agentliyinin yaydığı məlumata görə, Yəmənin yeni baş naziri müxalifət lideri Məhəmməd Basindva olacaq. Müvafiq sərəncamı vitse-prezident Abed Rabor Mansur əl-Hadi imzalayıb. Xatırladırıq ki, noyabrın 25-də ölkənin müxalifət təmsilçiləri Yəmənin baş naziri postuna M.Basindvanın namizədliyini irəli sürmüşdülər.

"Frans Press" agentliyinin məlumatına görə, Yəmən üsyanının liderlərindən biri olan M.Basindva prezident seçkilərinədək keçid hökumətini formalaşdıracaqdır. Xatırladırıq ki, Yəməndə prezident seçkiləri 2012-ci ilin 21 fevralında keçiriləcək. M.Basindava Yəmən prezidenti Əli Abdulla Salehin vaxtında xarici işlər naziri postunu tutmuş və Ümumxalq Milli Konqresinin üzvü olmuşdur. 2001-ci ildə, o, iqtidar partiyasını tərk edib, hakimiyyətin fəaliyyətini pisləməyə başlamışdır.

33 il ərzində Yəməndə hakimiyyət başında olan Saleh noyabrın 23-də hakimiyyətin müvəqqəti hökumətə ötürülməsi üçün sərəncam imzalamışdır.