İl ərzində Nyu-Yorkda 496 nəfər həlak olub

"NBC"-nin məlumatına görə, 2011-ci ilin əvvəlindən indiyədək Nyu-Yorkda 496 qətl hadisəsi törədilmişdir. Məlumatı dekabrın 22-də şəhər polis komissarı Rey Kelli açıqlayıb. Onun dediyinə görə, ilin sonuna bir həftə qaldığı üçün bu rəqəm arta bilər. "AM Nyu-York"un məlumatına görə, ilin sonunadək şəhərdə 10 nəfərdən artıq adamın öldürüləcəyi gözlənilir. "NBC" Nyu-Yorkda qətl hadisələrinin miqdarının aşağı düşdüyü bildirilir. 2009-cu ildə qətllərin sayı kifayət qədər aşağı düşərək, 471 ölüm hadisəsi qeydə alınmışdır. 2010-cu ildə 536 qətl hadisəsi baş vermişdir.

"NBC" telekanalı şəhər polisinin məlumatına əsaslanaraq, cari ildə cinayətkarlığın faizinin bir qədər artdığını bildirir. Telekanal bildirir ki, dekabrın 11-dək Nyu-Yorkda 1361 zorlama hadisəsi qeydə alınmışdı ki, bu ötənilki göstəricidən 3 faiz çoxdur. Ayrı-ayrı adamlara hücum etmə hadisəsi ötən illə müqayisədə 8 faiz artaraq, 17487 nəfərə çatmışdır. Bu il Nyu-Yorkda seksual zəminində törədilmiş cinayətlər nəticəsində onlarla qadın öldürülmüş və onların cəsədləri Bruklində aşkar edilmişdir.

Nyu-Yorkda cinayətkarlığın səviyyəsi 2005-ci ildə kəskin surətdə enməyə başlamışdır. 1993-2005-ci illərdə şəhərdə ağır cinayətlərin miqdarı 75-ə enmişdir. Mütəxəssislər bunun səbəbini şəhər polisinin cinayətkarlara qarşı yeni taktika ilə mübarizə aparmaqda görürdülər.