Haaqa məhkəməsi əzzafinin oğlu ilə bağlı Liviyaya ayın 23-nə kimi vaxt verib

Haaqa Beynəlxalq Cinayət Məhkəməsi keçmiş Liviya liderinin oğlu Seyfəl İslam Qəzzafinin hüququ statusunun müəyyənləşdirilməsi üçün müvəqqəti ölkə hökumətinə yanvarın 23-nə kimi son vaxt verib. Ötən gün verilmiş yazılı qərarda, qurumun hakimləri eyni zamanda Liviya rəhbərliyindən Seyflə bağlı bır sıra suallara, o cümlədən Qəzzafinin hansı maddəylə saxlanıldığı, onunla əlaqə yaratmağın və qurum əməkdaşlarının Seyfin saxlanıldığı təcridxanaya baş çəkməsinin mümkünlüyü, onun vəkillə təmin edilib-edilmədiyi kimi məqamlara aydınlıq gətirməyi tələb edir. Yeni hökumət eyni zamanda bu vaxt ərzində Beynəlxalq Cinayət Məhkəməsinə həbsdə saxlanılan Seyf Əl İslamın ölkədə mühakimə edilməsi niyyəti haqqında rəsmi müraciət etməlidir. Yerli rəhbərlik isə rəsmi müraciət etməsə də, vətəndaş müharibəsi dönəmlərində törətdiyi cinayətlərə görə Seyfəl İslamı məhz ölkə daxilində mühakimə etmək niyyətindədir. Liviyanın yeni baş naziri Əbdürrəhim Əl-Keyb, noyabr ayında Zintan briqadası tərəfindən Obari adlı səhra qəsəbəsində ələ keçirilmiş Seyf- Əl İslam üçün ədalətli məhkəmənin təşkil olunacağına söz verib.