Nyu-Cersi ştatı azərbaycanlıların soyqırımını tanıdı

Qərarda 1918-ci ilin martında 20 min məsum azərbaycanalının qətli ilə nəticələnən hadisə insanlıq tarixinin ən çox qınanılmalı vəhşiliklərindən biri kimi təqdim edilib

ABŞ-ın Nyu-Cersi Ştat Assambleyası 31 mart - Azərbaycanlıların Soyqırımının 95 illiyi ilə bağlı qətnamə qəbul edib. Türkiyə mətbuatının verdiyi məlumata görə, 31 mart tarixi "Azərbaycan Anım Günü" elan edilib.

Qərar türk və azərbaycanlıların "Pax Turcica" kanalı vasitəsi ilə başladılan kampaniya nəticəsində qəbul edilib. Nyu-Cersi Ştat Assambleyasının sədri tərəfindən imzalanıb. Bu barədə qərar Assambleyanın üzvü, Demokratlar Partiyasının nümayəndəsi Tomas Qiblin Amerika Azərbaycan Cəmiyyətinin (ASA) sədri Tomris Azəriyə şəxsən təqdim edib.

Qərarda 1918-ci ilin martında 20 min məsum azərbaycanalının qətli ilə nəticələnən hadisə insanlıq tarixinin ən çox qınanılmalı vəhşiliklərindən biri kimi təqdim edilib.

Xatırladaq ki, Nyu York senatıda 2012-ci ilin mart ayında azərbaycanlıların soyqırımını tanıyan və 31 Martı "Azərbaycanlıları anma günü" elan edərək ilkə imza atmışdı.

sia.az