G8 ölkələri nazirləri Şimali Koreyanın nüvə silahı və ballistik raket proqramını qınamışlar

Londonda G8 ölkələrinin xarici işlər nazirlərinin yığıncağı keçirilmişdir. Yığıncaqda, Şimali Koreyanın nüvə silahı və balistik raket proqramı qınanmışdır.

"BBC News"un verdiyi xəbər görə, yığıncaqda İtaliya baş naziri Mario Monti, ABŞ xarici işlər naziri Con Kerri, Rusiya xarici işlər naziri Sergey Lavrov, Fransa xarici işlər naziri Laurent Fabius, Almaniya xarici işlər naziri Quido Vestervelle, Yaponiya xarici işlər naziri Fumio Adamda, Kanada xarici işlər naziri Con Baird və Avropa Birliyinin Xarici Əlaqələr və Təhlükəsizlik Siyasəti üzrə komissarı Ketrin Eşton, Amerikanın məşhur aktrisası və BMT Ali Komissarlığının xüsusi nümayəndəsi Ancelina Coli iştirak etmişlər.

Koreya yarımasında gərginliyin son həftədə artdığı müşahidə edilmişdir. Pentaqon Koreyanın hazırda nüvə silahlı ordu potensialının olduğunu qeyd etmişdir. Müdafiə Kəşfiyyat Agentliyindən (DIA) isə bu tutumun etibarlılığının zəif olduğu bildirilmişdir.

Forumda Britaniyanın xarici işlər naziri Villiam Hague məsələ ilə bağlı bildirmişdir: "Əgər ballistik raket testi mövcuddursa, biz BMT Təhlükəsizlik Şurasının məsələ ilə bağlı əlavə tədbirlər görməsinin tərəfdarı olacağıq".

Yığıncaqda həmçinin, Suriyadakı mövcud vəziyyət, İranın nüvə proqramı və başqa beynəlxalq əhəmiyyətli mövzular ətrafında müzakirələr aparılmışdır.

AzərTAc