Qazaxıstan Xəzər dənizində Qəza Xilasetmə Dəstəsi yaradır

Qazaxıstan parlamenti mətbuat xidmətinin yaydığı məlumata görə, bu ölkənin fövqəladə hallar naziri Vladimir Bojko Məclisin iclasındakı çıxışında bildirmişdir ki, bu ölkənin Xəzər dənizində Qəza Xilasetmə Dəstəsi (QXD) yaradılır.

V.Bojko demişdir ki, keçən ilin dekabrında Qazaxıstan Baş nazirinin qərarı ilə Şimali Xəzər Əlaqə Bazası Fövqəladə Hallar Nazirliyinin sərəncamına verilmişdir. Biz isə bu qurumun bazasında QXD yaratmağı qərara almışıq. O, əmin olduğunu bildirmişdir ki, QXD-nin FHN-in tərkibinə verilməsi bu sahədə olan çatışmazlığı aradan qaldıracaq və dənizdə baş verən hər hansı qəzanın qarşısı vaxtında alınacaq.

AzərTAc