İranda terror aktları nəticəsində 60 nəfər ölüb

İraqda oktyabrın 5-də törədilən bir neçə terror aktları nəticəsində ölənlərin sayı 60-a çatıb. SİA-nın xarici mətbuata istinadən verdiyi xəbərə görə, bu barədə polisin açıqlamasında bildirilir. Birinci partlayış Balad şəhərində qeydə alınıb. Terrorçu-kamikadze kafeyə daxil olaraq özünü partladıb, nəticədə 12 nəfər ölüb.Qeyd edək ki, avqustun 12-də bu kafedə törədilən parlayış nəticəsində 24 nəfər ölüb. Bundan başqa, Bağdadda nəzarət-buraxılış məntəqəsində törədilən partlayış nəticəsində daha 48 nəfər ölüb. Daha bir qanlı hadisə Mosul şəhərində baş verib. İraqın "Əş-Şərkiyə" telekanalının çəkiliş qrupunun atəşə tutulması nəticəsində müxbir və operator ölüb.

sia.az