İsrail hücum edib

İsrail polisi Şərqi Qüdsdəki Məscidül-Əqsada cümə namazından sonra camaata plastik güllə və səs bombası ilə hücum edib. SİA-nın xarici mətubata istinadən verdiyi məlumata görə, minlərlə fələstinli, cümə namazından sonra İsrailin geri addım atdığına və Məscidül-Əqsada Həmas ilə atəşkəs imzasına sevinib. İzdihamda Fələstin bayraqları da qaldırılıb.

Fələstinlilər daha sonra Məscidül-Əqsadan Əski-şəhər ərazisinə doğru yürüş etmək istəyib. İsrail polisi fələstinlilərə səs bombası və plastik güllə ilə hücum edərək qrupu dağıtmağa çalışıb. Hücum səbəbi ilə yaralanmalar olsa da, Fələstin Qızıl Aypara tərəfindən hələ bir açıqlama verilməyib.