Ətlər bu həftə ərzində məhv ediləcək

Hindistandakı bir özəl şirkət Kambocaya 5 konteyner donmuş mal əti aparıb. SİA xarici mətbuata istinadən xəbər verir ki, beş konteynerdən üçündə olan ətlərdə virus aşkarlanıb. Bu haqda Kamboca səhiyyə nazirliyi məlumat verib.

Səhiyyə Nazirliyindən verilən açıqlamada bildirilir ki, konteynerlərdə idxal olunan ətlər bu həftə ərzində məhv ediləcək.

İlin əvvəlində Covid-19 hadisələri artdıqda Kamboca Hindistanla idxalını müvəqqəti olaraq dayandırsa da, Hindistanda hadisələrin sayının azalmasından sonra son həftələrdə ticarətə yenidən başlanıb.

Qeyd edək ki, ölkədə fevral ayında başlayan vaksinasiya kampaniyasında, əhalinin 40%-i ən az bir dozada peyvənd edilib.