Sabiq prezident üzr istədi

İran Prezidenti Həsən Ruhani hakimiyyətdə olduğu müddətdə etdiyi səhvlərə görə həmvətənlərindən üzr istəyib. Qeyd edək ki, dövlət başçısı avqustun 3-də vəzifəsini tərk edəcək. SİA xarici mətbuata istinadən xəbər verir ki, Ruhani ictimaiyyətə bu sözləri ünvanlayıb: "Siyasətimizdə daha az səhv və çatışmazlıqlar olmasına çalışdıq. Amma əgər hər hansı səhvimiz olubsa, o zaman insanlardan üzr istəyirəm". O, əhalinin ölkədə həyat səviyyəsi ilə bağlı vəziyyətdən narazı olduğunu etiraf edib. Ruhani İranın ABŞ-ın keçmiş prezidenti Donald Tramp dövründə tətbiq etdiyi ABŞ sanksiyalarının təzyiqi altında olduğunu vurğulayıb. Xatırladaq ki, İranın yeni prezidenti 18 iyul seçkilərinin qalibi İbrahim Raisi olacaq.