Pakistanda ölənlərin sayı 18 nəfərə çatıb

Son iki gündə Pakistanda baş verən aramsız yağış və daşqınlar ölkə üzrə azı 18 nəfərin həyatına son qoyub. SİA Pakistan mətbuatına istinadla xəbər verir ki, təkcə Xayber-Paxtunxva əyalətinin Torqar rayonunda 3 ev tamamilə dağılıb, 11 nəfər həlak olub.

Pəncab əyalətində isə azı 7 adam daşqınların qurbanı olub, onların 4-ü uşaqdır. Ölkə üzrə çoxlu adamın yaralandığı və itkin düşdüyü bildirilir. İtkin düşənlərin axtarışı davam edir. Fərdi ev və təsərrüfatlara ciddi ziyan dəyib.