BMT baş katibi Antonio Quterreş, Qazaxıstanın baş nazirinin müavini, Xarici İşlər naziri Muxtar Tleuberdi ilə görüşdə, BMT-nin Əfqanıstandakı Yardım Missiyasının uzaq ofisinin Almatıda yerləşdirmək qərarına görə Qazaxıstan prezidentinə minnətdarlığını bildirib. SİA xəbər verir ki, bu barədə respublikanın Xarici İşlər Nazirliyinin mətbuat xidməti məlumat yayıb.
Məlumatda qeyd olunur ki, Tleuberdi ilə Quterres arasındakı görüş Nyu-Yorkda BMT Baş Assambleyasının 76 -cı sessiyası çərçivəsində keçirilib.
"Biz Qazaxıstanın bu qərarını sadəcə yardımdan daha üstün qiymətləndiririk. Siz BMT ilə Qazaxıstan arasında əla olan münasibətlərin daha da inkişafına töhfə verəcək əsl diplomatik qardaşlıq ruhunu nümayiş etdirdiniz", deyə respublikanın Xarici İşlər Nazirliyinin mətbuat xidməti Quterreşdən sitat gətirib.
Qazaxıstanın xarici işlər naziri, ölkə prezidenti Kasım-Jomart Tokayevin BMT-nin bioloji təhlükəsizlik üzrə beynəlxalq agentliyi yaratmaq təşəbbüsünün həyata keçirilməsi barədə həmsöhbətinə ətraflı məlumat verib. Bundan əlavə, nazir BMT baş katibinin müavini - Terrorla Mübarizə İdarəsinin rəhbəri Vladimir Voronkovla danışıqlar aparıb.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
