Litva Belarusa etiraz etdi SƏRHƏDDƏKİ VƏZİYYƏTLƏ ƏLAQƏDAR

Litva Xarici İşlər Nazirliyi Belarusun Litvadakı səfirliyinin nümayəndəsinə Belarus sərhədçiləri tərəfindən Litva dövlət sərhədinin dəfələrlə pozulması ilə əlaqədar kəskin etirazını bildirən nota təqdim edib. SİA xəbər verir ki, bu barədə qurumun saytında məlumat yayılıb.

"Oktyabrın 20-də Litva Xarici İşlər Nazirliyi Belarusiyanın Litvadakı səfirliyinin nümayəndəsini çağırıb və Litvanın dövlət sərhədinin dəfələrlə pozulması ilə əlaqədar kəskin etirazını bildirən diplomatik nota verib", deyə məlumayda bildilir.

Qeyd olunur ki, Litva Xarici İşlər Nazirliyi Belarusdan hadisəni ən qısa zamanda izah etməsini və bunun təkrarlanmaması üçün bütün tədbirləri görməsini xahiş edir.

"Xarici İşlər Nazirliyi, Belarus hakimiyyəti tərəfindən Belarusdan qeyri-qanuni miqrant axınının təşkil edilməsini, vətəndaş cəmiyyətinə qarşı davam edən repressiyaları qınayıb, eyni zamanda bütün siyasi məhbusların və qanunsuz olaraq həbs edilmiş şəxslərin azad edilməsini istəyib", deyə məlumatda həmçinin qeyd olunur.

Xatırladaq ki, bu yaxınlarda Litva, Latviya və Polşa Minsklə miqrasiya böhranı yaratmaqda ittiham edərək Belarusla sərhəddə saxlanılan qanunsuz miqrantların sayının artdığını bildirib. Belarus prezidenti Aleksandr Lukaşenko daha əvvəl qeyd etmişdi ki, Minsk artıq Aİ ölkələrinə qeyri-qanuni miqrant axınını dayandırmayacaq. Eyni zamanda, Belarus prezidenti CNN telekanalına verdiyi müsahibədə Belarus tərəfinin AB sərhədlərində miqrasiya böhranından istifadə edərək sanksiyalar siyasətinə görə Aİ-dən qisas almaq üçün Belarus müxalifətçilərini orada qonaq etməklə bağlı fərziyyələri rədd edib. Litva sərhəddəki vəziyyətlə əlaqədar Belarusa etiraz edib.