ABŞ-da donuzdan insana böyrək köçürülüb

ABŞ-da cərrahlar ilk dəfə immunitet rədd edilmədən donuzdan insana böyrək köçürməyi bacarıblar. SİA xarici mətbuata istinadən xəbər verir ki, Nyu-Yorkdakı NYU Lanqone sağlamlıq təhsil və araşdırma mərkəzində edilən əməliyyatda böyrəyin genetik olaraq dəyişdirilmiş bir donuzdan alındığı bildirilib.

Donuz hüceyrələrində olan qlikan molekulu orqanizmin insan immun sistemi tərəfindən rədd edilməsinə səbəb olur. Bu molekulu geni dəyişdirilmiş donuzun toxumalarından çıxarmaqla bədənin orqanı rədd etməsinin qarşısı alınıb. Həyat dəstəyi şöbəsindən çıxarılmadan əvvəl, transplantasiya əməliyyatı üçün xəstənin ailəsindən icazə alınıb. Transplantasiyadan sonra, damarlara bağlanan böyrək, tədqiqatçıların müşahidə etməsi üçün üç gün bədənin xaricində saxlanılıb. Böyrək funksiyalarının normal olduğu müşahidə edilərkən, böyrək çatışmazlığı səbəbi ilə xəstənin dəyərlərinin normallaşdığı ifadə edilib. Bu əhəmiyyətli inkişafın, donorların kifayət qədər olmadığı orqan transplantasiyasında heyvan orqanlarının istifadəsinə yol açacağı gözlənilir. Əməliyyat böyrək funksiyası pozulmuş və beyin ölümü olan bir xəstəyə transplantasiya edilib.

Aytac Əliyeva