Son gündə rekord sayda ölüm qeydə alınıb KORONAVİRUSDAN

Latviyada son sutka ərzində 3000-dən çox yeni koronavirus hadisəsi təsdiqlənib, 64 xəstənin ölümü ilə bağlı məlumat daxil olub və bu, pandemiyanın başlanğıcından bəri rekord göstəricidir. SİA xəbər verir ki, bu barədə Xəstəliklərə Nəzarət və Profilaktika Mərkəzinin saytı məlumat yayıb.

"Latviyada 3206 yeni COVİD-19 hadisəsi təsdiqlənib, 64 koronavirus xəstəsi vəfat edib ki, bu da pandemiyanın başlanğıcından bəri xəstəlik və ölüm hallarına görə rekord göstəricidir", deyə məlumatda bildirilir.

Məlumatda qeyd olunur ki, ölənlər 30-99 yaş qrupuna aid olublar. Onlardan 55 nəfər peyvənd olunmayıb və ya peyvənd kursunu başa vurmayıb, cəmi 9 nəfər peyvənd olunub.

Xatırladılıq ki, Latviyada gün ərzində COVID-19 üçün 24 032 test aparılıb, müsbət nəticələrin payı 12,1% təşkil edib. Bütün yoluxmuş şəxslərin 2066-sı peyvənd olunmayıb və ya peyvəndin tam kursunu başa vurmayıb, 853-ü isə peyvənd olunub.