Filippinin kommunist üsyançılarının lideri öldürülüb

Filippin hərbçiləri kommunist üsyançıların lideri Xorxe Madlosu öldürüb.Bu barədə Filippin Xəbər Agentliyinə (PNA) hökumətin bölgədəki əməliyyatlarına cavabdeh olan generalı Romeo Brauner bildirib. SİA bu barədə xarici mətbuata istinad edir.O, qeyd edib ki, Ka Oris kimi tanınan Xorxe Madlos Mindanao adasındakı Bukidnon əyalətində gedən döyüşlər zamanı öldürülüb.“Ka Orisin terror hakimiyyəti nəhayət başa çatdı. Təəssüf ki, onun vəhşilikləri faciəli nəticələrə gətirib çıxardı”, – Brauner deyib.General əlavə edib ki, Madlosun ölümü kommunist üsyançı qrup üçün son zərbə ola və onun birdəfəlik süqutuna səbəb ola bilər.

sia.az