Fransa Rusiyanı görüşün tarixini razılaşdırmağa dəvət edib

Fransa hələ də nazirlər səviyyəsində Normandiya formatında görüşün tarixi ilə bağlı təkliflərə Rusiyanın cavabını gözləyir. SİA xəbər verir ki, bu barədə Fransa Xarici İşlər Nazirliyinin sözçüsü bildirib.

“Respublika prezidenti Emmanuel Makron və Almaniya kansleri Angela Merkel arasında oktyabrın 11-də rusiyalı həmkarı Vladimir Putin ilə danışıqlar zamanı nazirlərin Normandiya formatında görüşünün təşkili barədə razılıq əldə olunub. Dəfələrlə bu görüşün tarixləri barədə təklif edilib. Hələ də bu görüşün mümkün qədər tez keçirilməsi üçün Rusiya tərəfdən cavab gözlənilir”, deyə Fransa Xarici İşlər Nazirliyinin nümayəndəsi çərşənbə axşamı brifinqdə qeyd edib.

Xatırladaq ki, Ukrayna üzrə danışıqların “Normand formatı” adlanan formatı 2014-cü ilin iyunundan mövcuddur. Daha sonra müttəfiq qoşunlarının Normandiyaya desantının 70 illiyinin qeyd olunması zamanı Almaniya, Rusiya, Ukrayna və Fransa liderləri ilk dəfə olaraq Donbassdakı münaqişənin həllini müzakirə ediblər. Bundan əvvəlki sammit 2019-cu il dekabrın 9-da Parisdə keçirilib. Son zamanlar müxtəlif səviyyələrdə tərəflər bu formatda qarşılıqlı fəaliyyətin perspektivlərini müzakirə edirlər.