Əfqanıstana maliyyə yardımı ŞƏRTLƏRİ AÇIQLANDI

Birləşmiş Ştatlar Əfqanıstanın yeni hakimiyyət orqanları Amerika tərəfi üçün bir sıra fundamental məsələlərə yanaşmalarını yumşaltmayınca onlara maliyyə yardımı göstərmək imkanı görülmür. SİA xəbər verir ki, bu sözləri prezidentin milli təhlükəsizlik müşaviri Ceyk Sallivan CNN Telekanalına müsahibəsi zamanı söyləyib.

“Biz hələ Əfqanıstanın hazırkı rəhbərliyi vasitəsilə birbaşa pul təqdim etmək iqtidarında deyilik... inklüziv hökumətdən tutmuş onlarla müntəzəm müzakirə etdiyimiz digər elementlərə qədər hər şeyə kəskin təkmilləşdirilmiş yanaşmaları görməyincə bu mümkün deyil”, deyə Sallivan öz müsahibəsində bildirib.

Sallivan əlavə edib ki, buna baxmayaraq, ABŞ qeyri-kommersiya təşkilatları və vətəndaş cəmiyyəti strukturları ilə əməkdaşlıq edərək Əfqanıstanın ən böyük humanitar donoru olaraq qalır.