Monqolustan prezidenti Mişustinlə görüşəcək

Monqolustan prezidenti Uxnaqiyn Xurelsux Rusiyanın baş naziri Mixail Mişustin, Dövlət Dumasının, Federasiya Şurasının spikerləri, Təhlükəsizlik Şurasının rəhbərliyi ilə görüş keçirəcək. SİA xəbər verir ki, bu barədə Rusiya lideri Vladimir Putin bəyan edib.

"Monqolustan prezidentinin səfəri davam edir. Onun böyük proqramı var və Rusiyanın baş naziri, Federal Məclisin hər iki palatasının rəhbərləri ilə Rusiya Təhlükəsizlik Şurasında görüş keçirəcək", deyə Putin danışıqlardan sonra bildirib.

Putin əlavə edib ki, bu görüşləri nəzərə alaraq monqol həmkarının səfərinin uğurlu və səmərəli olacağını demək olar.

“Əminəm ki, elə razılaşmalar əldə olunacaq ki, bu, Rusiya-Monqolustan tərəfdaşlığının daha da inkişafına gətirib çıxaracaq”, deyə Putin əlavə edib.