Tbilisidə Saakaşvilinin azad edilməsi tələbi ilə aksiya

Gürcüstanın eks-prezidenti Mixail Saakaşvilinin tərəfdarları, eləcə də onun yaratdığı “Vahid Milli Hərəkat” Partiyasının üzvləri Tbilisidə parlament binası yaxınlığında siyasətçinin həbsdən azad edilməsi tələbi ilə aksiya keçirirlər.

SİA xəbər verir ki, bu barədə “Mtavari Arkhi” telekanalı məlumat yayıb.

Bildirilib ki, Gürcüstan paytaxtına ölkənin müxtəlif regionlarından Saakaşvilinin tərəfdarları toplaşıb. Onlar Respublika meydanına toplaşaraq parlamentin yerləşdiyi Rustaveli prospektinə yürüş ediblər.

Etirazçıların əllərində Gürcüstan və Ukrayna bayraqlarını tutublar. Onların üzərində “Mişaya azadlıq!” sözləri yazılmış plakatlar var.