Avtomobil təkərinin partlaması nəticəsində ölüb PEŞƏKAR DÖYÜŞ USTASI

Amerikalı peşəkar qarışıq döyüş ustası Cessi Henri yanğınsöndürən maşınının təkərinin partlaması nəticəsində dünyasını dəyişib. SİA xəbər verir ki, bu barədə MMA Junkie saytı məlumat yayıb.

Məlumatda qeyd olunur ki, o, döyüşlərdə iştirak etməklə yanaşı, yanğınsöndürmə idarəsində də xidmət edib. Yanğınsöndürən maşınının təkərini təmir edərkən, təkər qəfil partlayıb və Henri başından ciddi şəkildə yaralanıb.

O, xəstəxanaya yerləşdirilsə də, həkimlər onu xilas edə bilməyiblər.

İdmançının yaxınlarının dediyinə görə, döyüşçü partlayış zamanı təkər təzyiq sensoru başına dəydiyi üçün dünyasını dəyişib.

İdmançının doqquz yaşlı qızı var.

Jesse Henry professional MMA debütünü noyabr ayında Louisiana American Kombat Alliance promosyonunda döyüşərək edib. Onun iki qələbəsi və iki məğlubiyyəti var.