"Omicron" Belçikada dominant ştamm olub

Koronavirusun "omicron" variantı Belçikada dominant ştamm olub və ilin sonuna qədər ölkədə yeni yoluxanların 90%-dən çoxunda aşkarlanacağı gözlənilir.

SİA yerli KİV-lərə istinadən xəbər verir ki, bu barədə Lyoven və Xasselt universitetlərinin virusoloqları bildirib.

Dekabrın 25-də "omikron" ştammının payına payızda Belçikada üstünlük təşkil edən "delta" ştammı qədər yeni yoluxan düşüb. Son iki həftə ərzində ölkədə yeni ştamma yoluxma hallarının sayı sürətlə artıb. Viroloqlar qeyd edirlər ki, növbəti həftə ərzində yeni yoluxanların təxminən 90%-də "omicron" ştammı aşkar ediləcək.

Belçikada son bir həftə ərzində gündə orta hesabla yoluxma sayı 7 011 olub ki, bu da bir həftə əvvəlkindən 36% azdır.