Evinə oğru girdi, xəbəri təqdim edərkən soyulduğunu öyrəndi

Argentinanın Florensiya Varela bölgəsində itmiş itlə bağlı xəbər bülleteni ilə canlı yayımlanan “Cronica HD” televiziyasının müxbiri Alejandro Pueblas, həmin vaxt evinə oğru girdiyi xəbərini alıb. SİA xarici mətbuata istinadən xəbər verir ki, avqust ayında yoxa çıxan Luço adlı itin axtarışını işıqlandırarkən evinə oğrunun girdiyini öyrənən müxbir,

“Evimə soxulub pəncərəmi sındırdılar. Bağışlayın, amma mən təcili getmək məcburiyyətindəyəm. Evimdə adamlar var və onlar evimi alt-üst edirlər”. Kanalın aparıcısı Esteban Trebucq müxbirin verdiyi gözlənilməz xəbərlə bağlı edə biləcəkləri bir şeyin olub olmadığını soruşub. Reportyor Pueblas isə canlı yayımda ev ünvanını deyib və “Evimə çox təcili polislərin göndərilməsinə ehtiyacım var” deyib.