Almaniya üç atom elektrik stansiyasını şəbəkədən ayırıb

Almaniya 30 ildir fəaliyyət göstərən daha 3 atom elektrik stansiyasını bağlayıb. Qalan 3 elektrik stansiyasını 2022-ci ildə bağlamağı planlaşdıran ölkə enerji ehtiyacının 80 faizini bərpa olunan mənbələrdən qarşılamağı hədəfləyir. SİA xarici mətbuata istinadən bildirir ki, Almaniya ölkənin son altı atom elektrik stansiyasından daha üçünü bağlayıb. Hökumət 1986-cı ildə Çernobıldan sonra ən pis nüvə fəlakəti olan 2011-ci ildə Fukusima faciəsindən sonra atom elektrik stansiyalarını mərhələli şəkildə dayandırmaq qərarına gəlib.
Ölkədə qalan son üç atom elektrik stansiyası Isar 2 Emsland və Neckarwestheim II 2022-ci ilin sonuna qədər bağlanacaq.