Prezident Ərdoğan, Tokayevlə görüşdü

Prezident Ərdoğan Qazaxıstan prezidenti Tokayevlə görüşündə dost və qardaş Qazaxıstanda baş verənləri yaxından izlədiyini bildirib, hadisələrdə həyatını itirənlərə Allahdan rəhmət, yaralananlara isə şəfa diləyib. SİA xarici mətbuata istinadən xəbər verir ki, Türkiyənin Qazaxıstanla həmrəy olduğunu ifadə edən Prezident Ərdoğan, Türk Dövlətləri Təşkilatının da Qazaxıstanı dəstəklədiyini vurğulayıb. Yeni hökumətin ən qısa zamanda qurulacağına və gərginliyin qısa zamanda sona çatacağına ümid etdiyini ifadə edən prezident Ərdoğan, Qazaxıstan xalqının qarşılıqlı etimad və dialoq çərçivəsində problemlərin öhdəsindən gələcəyinə inandığını bildirib. Prezident Ərdoğan, Türkiyənin lazım gələrsə hər cür texniki bilik və təcrübəni paylaşmağa hazır olduğunu qeyd edib.