Qazaxıstanın bütün bölgələrində iğtişaşlarla bağlı vəziyyət sabitləşib

Qazaxıstanın bütün bölgələrində iğtişaşlarla bağlı vəziyyət sabitləşib. SİA-nın Qazaxıstan prezidentinin mətbuat xidmətinə istinadən verdiyi məlumata görə, bu barədə yanvarın 9-da Qazaxıstan prezidenti Kasım Jomart Tokayevin rəhbərliyi ilə keçirilən operativ qərargahın iclasında məlum olub.

Hazırda 125 cinayət işi başlanılıb, 5,8 min nəfər polisə gətirilib, onların arasında xeyli sayda əcnəbi var.

Bildirilib ki, respublikanın bütün rayonlarında vəziyyət sabitləşib, əməliyyat şəraiti nəzarət altına alınıb, hüquq-mühafizə orqanları tərəfindən əvvəllər tutulan bütün inzibati binalar azad edilib, kommunal obyektlərin və həyat təminatı sistemlərinin fəaliyyəti bərpa edilir.