Conson üzr istəyib KEÇİRİLƏN ZİYAFƏTƏ GÖRƏ

Böyük Britaniyanın baş naziri Boris Conson Dauninq-stritdə keçirilən ziyafətə görə üzr istəyib. SİA xəbər verir ki, Conson bunu Britaniya parlamentinin üzvləri qarşısında edib.

Diqqətə çatdıraq ki, bir qədər əvvəl BBC müxbirləri Consonu indiki həyat yoldaşı ilə 2020-ci ildə baş nazirin rəsmi iqamətgahında təşkil edilən Milad tədbirində iştirak etməkdə ittiham etmişdilər. Koronavirusun yayılması təhlükəsi ilə əlaqədar kütləvi toplantıların qadağan edilməsinə baxmayaraq, şənlik keçirilib.

"Mən buna görə məsuliyyəti öz üzərimə götürürəm və üzr istəyirəm", deyən Conson bildirib və əlavə edib ki, o, bu ziyafəti partiyanı iş tədbiri hesab edib.

Britaniya İşçi Partiyasının rəhbəri Kir Stamer baş nazirin üzr istəməsini “tamamilə dəyərsiz” hesab edib. Müxalifət lideri xatırladıb ki, keçmiş səhiyyə naziri və Consonun sözçüsü oxşar pozuntulara yol vermiş postlarını tərk ediblər.