ABŞ qoşun göndərəcək RUMINİYAYA, POLŞAYA VƏ ALMANİYAYA

Pentaqon yaxın günlərdə Avropaya əlavə 2000 hərbçi göndərəcək. SİA xəbər verir ki, bu barədə Müdafiə Nazirliyinin sözçüsü Con Kirbi brifinqdə bildirib.

“ABŞ tezliklə Rumıniya, Polşa və Almaniyaya əlavə qüvvələr göndərəcək”, deyə Kirbi qeyd edib.

Kirbi hərbi personalın bölgəyə “daimi olmayaraq” göndərildiyini, bu tədbirin regiondakı Amerika müttəfiqlərinə dəstək məqsədi daşıdığını vurğulayıb.

"Bu, hazırkı vəziyyətə reaksiyadır, göndərilmiş bölmələr Ukraynada döyüşməyəcək", deyə o bildirib.

Onun sözlərinə görə, bu qüvvələr NATO-nun deyil, ABŞ-ın komandanlığı altında olacaq.

Kirbi yaxın vaxtlarda Avropaya əlavə qüvvələrin göndərilə biləcəyini də istisna etməyib.