Britaniya, Almaniya və Fransa Şimali Koreyanı dialoqa çağırıb

Böyük Britaniya, Almaniya və Fransa Koreya Xalq Demokratik Respublikasını (KXDR) davam edən ballistik raket sınaqlarını pisləyib və Pxenyanı ABŞ-la danışıqlara qayıtmağa çağırıb.SİA xəbər verir ki, bu barədə üç ölkənin birgə bəyanatında deyilir.Sənəddə deyilir: “Biz həm regional, həm də beynəlxalq səviyyədə təhlükəsizliyə və sülhə xələl gətirən, eləcə də BMT Təhlükəsizlik Şurasının yekdilliklə qəbul etdiyi bir sıra qətnamələrin açıq-aşkar pozulması olan bu təxribatçı hərəkətləri qətiyyətlə pisləyirik. KXDR-i Təhlükəsizlik Şurasının qərarını həyatda tam şəkildə yerinə yetirmək, Birləşmiş Ştatların dialoqa dair təkrar çağırışlarını qəbul etmək üçün konkret addımlar atmağa dəvət edirik”.

sia.az