Madaqaskarda qasırğa - ölənlərin sayı 21-ə çatıb

Madaqaskarda baş verən "Batsirai" qasırğası nəticəsində həyatını itirənlərin sayı 21-ə yüksəlib. SİA xarici mətbuata istinadən bildirir ki, ölənlərin sayı hər saat artır.Keçən şənbə günü baş verən "Batsirai" qasırğası səbəbiylə 60 mindən çox insanın evindən didərgin düşdüyü ölkənin səlahiyyətli orqanları ölənlərin sayının 21-ə yüksəldiyini bildirib. Qasırğadan ən çox zərər çəkən şəhərlərdən biri olan Mananjaridə çoxlu evlər dağılıb, ağaclar kökündən qopub.Qeyd edək ki, 12 yol və 14 körpü bağlı olduğundan xilasedicilər qasırğadan zərər çəkmiş ərazilərə çatmaqda çətinlik çəkirlər və çay səviyyəsinin yüksəlməsi böyük təhlükə yaradır.

Müəllif: Abutel İlhamqızı