Cozef Bayden vә Si Cimpin arasında telefon danışığı olub

Amerika Birlәşmiş Ştatları prezidenti Cozef Bayden çinli hәmkarı Si Cimpinlә Rusiya ilә Ukrayna arasındakı müharibәni müzakirә edib.

SİA xəbər verir ki, tәxminәn iki saat davam edәn görüşlә bağlı әtraflı mәlumat verilmәyib.

Ağ Evin sözçüsü Cen Psaki verdiyi açıqlamada sözügedәn görüşün ABŞ ilә Çin arasındakı әlaqә kanallarını açıq saxlamaq üçün göstәrilәn sәylәrin bir parçası olduğunu bildirib. Cen Psaki liderlәrin ölkәlәri arasındakı rәqabәtin idarә edilmәsi mәsәlәsi ilә yanaşı, Rusiya ilә Ukrayna arasındakı müharibәni müzakirә etdiklәrini vurğulayıb.

Qeyd edәk ki, Rusiya fevralın 24-dә Ukrayna әrazisindә hәrbi әmәliyyata başlayıb.