"Geely" Belarusda istehsalı dayandırır

Çinin avtomobil nəhəngi "Geely" şirkəti Belarusdakı zavodunda istehsalı dayandırır. SİA bu barədə TASS-a istinadən xəbər verir.

Xatırladaq ki, sözügedən zavodda istehsal olunan avtomobillər əsasən Rusiyaya ixrac olunur. Şirkət fasiləyə səbəb kimi logistika əlaqələrinin pozulmasını, Çindən müəyyən material və komponentlərin tədarükündə problemlər yaranması göstərir.

"Geely" bununla həm də Rusiya bazarındakı risklərini qiymətləndirmək istəyir. Şirkət bəyan edib ki, Rusiyadakı vəziyyət diqqətlə izlənilir və hər bir element nəzərə alınacaq.

Bir sıra analitiklərin fikrincə, Çinin avtomobil istehsalçılarının, rəqibləri Rusiyadan getdikdən sonra bu bazara marağı artıb.