Təbii qazla işləyən elektrik stansiyalarının sayı 881-dir

Təbii qaz elektrik stansiyaları Avropada 950 giqavat olan ümumi quraşdırılmış gücün təxminən 200 giqavatını təşkil edir. SİA xarici mətbuata istinadən xəbər verir ki, beynəlxalq mənbələrdən toplanan məlumatlara görə, Avropa qitəsində təbii qazla işləyən elektrik stansiyalarının sayı 881-dir.

Avropa elektrik enerjisinin 20 faizini kömürdən, 13 faizini atom elektrik stansiyalarından, 25 faizini təbii qazdan və 18 faizini bərpa olunan enerjidən istehsal edir. Avropanın aldığı qazın 40 faizi Rusiyadan, 24 faizi Norveçdən, 11 faizi isə Əlcəzairdən alınır.

Avropada ən çox təbii qaz elektrik stansiyası olan ölkələrin reytinqində Almaniya təxminən 180 elektrik stansiyası ilə birinci yerdədir. Almaniyanı 143 elektrik stansiyası ilə İtaliya, 83 elektrik stansiyası ilə Hollandiya, hər biri 81 elektrik stansiyası ilə İspaniya və Böyük Britaniya izləyir.

Avropa ölkələrində işləyən elektrik stansiyalarının təxmini sayı aşağıdakı kimi verilmişdir:

İtaliyanın təbii qazda quraşdırılmış gücü 40 gigavat səviyyəsindədir. Almaniyanın təbii qaz elektrik stansiyalarının quraşdırılmış gücü təxminən 31 giqavatdır, onu eyni səviyyələrə yaxın quraşdırılmış güclə Böyük Britaniya izləyir.

Təbii qazda Hollandiyanın 18 giqavat, İspaniyanın isə 29 gigavat quraşdırılmış gücü var. Estoniya 173 meqavatla təbii qazda quraşdırılmış güc siyahısında sonuncu yerdədir.

İspaniyanın şimal-qərbində yerləşən As Pontes təbii qaz elektrik stansiyası 2324 meqavat gücü ilə Avropanın ən güclü elektrik stansiyalarından biridir. Sözügedən elektrik stansiyası kömürlə də işləyə bilər.

Ən böyük müstəqil təbii qazla işləyən elektrik stansiyası Birləşmiş Krallıqdakı 1180 meqavatlıq Peterhead stansiyasıdır.
Almaniyada ən yüksək quraşdırılmış gücə malik elektrik stansiyası 887 meqavat gücündə Emslanddır. Ondan sonra 846 meqavat gücündə Irsching və 800 meqavat gücündə “Knapsack” gəlir.

Ayşən Vəli