İspaniyanın əczaçılıq laboratoriyası antidotlar hazırlayır

İspaniyada qeyri-kommersiya məqsədləri üçün dərman istehsal edən yeganə dövlət əczaçılıq laboratoriyası olan Müdafiə Əczaçılıq Hərbi Mərkəzi Ukraynaya göndəriləcək mümkün nüvə, bioloji və ya kimyəvi hücumlara qarşı antidotların istehsalı üzərində işləyir.

SİA AZƏRTAC-a istinadən xəbər verir ki, bu barədə İspaniyanın müdafiə naziri Marqarita Robles bildirib.

İspaniyalı nazirin sözlərinə görə, ölkəsi artıq Ukraynaya 11 ton tibbi ləvazimat (zərdablar, antibiotiklər, ağrıkəsicilər və anesteziklər) göndərib.

Gələn həftə Ukraynaya ölkənin müxtəlif muxtar icmalarından gələn 50 tondan çox tibbi materialın göndərilməsi planlaşdırılır.