ABŞ Latın Amerikasını Rusiyaya qarşı kökləyir...

Rusiyanın ABŞ-dakı səfiri Anatoli Antonov ABŞ Dövlət Departamentini Latın Amerikasındakı tərəfdaşlarını Rusiyaya qarşı sanksiyalar qoşulmaqdan imtina etdiklərinə görə qorxutmağa çalışmaqda ittiham edib.

SİA-nın məlumatına görə, onun sözləri Rusiya diplomatik missiyasının Telegram kanalında verilib.

Belə ki, Antonov dövlət katibinin müavini Brayan Nikolsun Vaşinqtonun Latın Amerikasının Rusiyaya, onun maliyyə institutlarına və hökumətlə sıx əlaqədə olan özəl şirkətlərinə qarşı sanksiyalara əməl etməsini gözlədiyi barədə bəyanatlarını şərh edib.

Antonovun sözlərinə görə, Latın Amerikası ölkələrinin müstəqil mövqeyi Dövlət Departamentini qıcıqlandırır.

Səfir eyni zamanda, Ağ Evin region ölkələrinin iqtisadi inkişafına, onların ərzaq təhlükəsizliyinə və sosial sabitliyinə aşkar ziyan vurmasından narahat olmadığına da diqqət çəkib.

Əli Babayev